【居家抗疫】以為屋企好安全？忽略呢3點，隨時帶病毒入屋！

疫情告急⚠️Omicron、Delta變株病毒已經流入社區。面對嚴峻嘅第五波疫情，我哋絕對唔可以鬆懈，繼續保持良好嘅個人衛生，做足防疫消毒步驟啊！

第1步－入屋先消毒鞋、衣物 唔想去完街後將病毒帶返屋企，入屋前緊記要在屋外除鞋，並且用1：99稀釋家用漂白水消毒鞋底，再用酒精清潔鞋嘅表面，徹底消毒。由於鞋底長時間與地面接觸，著住鞋入屋就有機會將病毒帶返屋企。去完街著過嘅衣物都唔好忽視，最好即日清洗或用衣物消毒噴霧消毒表面，達至消毒殺菌的功效。

第2步 - 自我檢測

社區相繼出現多宗源頭不明確診，搞到人心惶惶。要防範隱形傳播鏈，就要盡快完成檢測，避免將病毒傳染身邊屋企人或朋友。用新型冠狀病毒抗原測試棒，只需20分鐘就可以檢測新型冠狀病毒的感染情況。唔洗出街就可以完成檢測，唔怕被隱形傳播者傳染！

第3步－消毒廁所及養成良好防疫習慣

第1招　沖廁前先蓋上馬桶蓋 如廁後，記得先蓋上馬桶蓋，然後再沖廁。否則沖廁時的氣流會將病毒飛散至6呎外，污染四周環境！

第2招　用1：99稀釋家用漂白水消毒廁所 防疫期間需要更密集地清潔廁所，用1：99稀釋家用漂白水定時消毒水龍頭、廁所蓋及沖廁按鈕等地方，進行徹底的清潔及消毒。

第3招　廁所有臭味要警覺 如注意到廁所有臭味傳出，就代表廁所喉管可能有滲漏問題，病菌容易經喉管進入室內，大大增加感染嘅機會。另外，亦要時常檢查廁所隔氣，若隔氣出現、滲漏、淤塞問題，水封失效時，便有機會讓糞渠臭味回流，病毒便可經喉管傳到室內。因此定期檢查隔氣管內是否有儲水非常重要。

第4招　保持廁所空氣流通 緊記要開窗，保持室內空氣流通。如果廁所通風不足，病毒就有機會停留喺室內經空氣傳播。

第5招　用消毒洗手液洗手 只用清水洗手，不足以消滅病毒細菌。要降低病毒感染風險，必須用梘液／洗手液洗手至少20 秒。如果冇梘液／清水，亦可以用酒精搓手液清潔雙手，確保病毒不會透過接觸食物而進入體內。